152– Nasr City (Cleaning Campaign)تحت شعار حملة اعادة اعمارمصر (Day 1)

Standard

Link to Event:

Nasr City (Cleaning Campaign)– تحت شعار حملة اعادة اعمارمصر

من فترة كنت وعدت شوية صحابى انى هحاول اكتب بوست بالعربى. و طبعا الموضوع ده هياخد منى مشقة جامدة خصوصا ان دى اول مرة ليا, فبعد اذنكم استحملوا ضعف اللغة و الغلطات الاملائية -انا معرفش املائية كدة صح ولا غلط- و ان شاء الله الموضوع يتحسن مع الوقت.

السبت 2\5 نزلت مع اتنين صحابى و واحدة منهم كانت جايبة صاحبتها معاها -اللى دلوقتى اقدر اقول عليها صاحبتى انا كمان- علشان ننضف شارع أبو داوود الظاهرى. فى الأول كننا فاكرين ان كبيرنا ساعة و هنتعب, لكن حضرات القراء اليكم اللى حصل باللظبط

1- نزلنا الساعة 9 الصبح و خلصنا على 1 الظهر و خلال الاربع ساعات دول محسناش بأى نوع من أنواع التعب و وقفنا شغل بس عشان بعضنا كان عندوا ارتباطات اخرى

2-   الناس كانت بتبصلنا بطريقة غريبة و احنا شايلين المقشات و أدوات التنظيف التانية

3- لما وصلنا عند الميدان اللى هنبدأ منه قابلنا د. أشرف منصور رئيس الجامعة الألمانية اللى أنا بدرس فيها و برغم بعض تحفظاتى على سياسته داخل الجامعة لكن تشجيعه لينا و احنا اربع بنات بس ادانى الفرصة انى اشوفه من زاوية جديدة

4- سواق تاكسى يتسم بالسلبية الشديدة اللى كانت باينة عليه (بس الراجل ليه عذره بصراحة) قالنا: من امتى النضافة نزلت عليكوا يعنى

5- دكتورة واحدة من البنات فى الجامعة كانت بتجيب طلبات لبيتها وقفت و اديتنا مافينز و اعدت تشجعنا كتير اوى

6- صاحب الكشك اللى كنا بننضف قدامه كان مصمم يدينا قزايز المياه ببلاش و بعد رفضنا لاقيناه بعد شوية باعتلنا عصير

7- تشجيع الناس اللى فى عربياتها ماكنش بينتهى

8- اكتشفنا ان اكتر حاجات بيستهلكها الماطن المصرى هى: السجاير, اللب, القصب (كان فى مجازر قصب), اليستفندى و تشيكسو

9- حسينا بقهرة عامل النظافة لما حد بيرمى فى الأرض

10- واحد “لذيذ” دعالنا نتجوز

11- اكتشفنا ان البوابين فعلا فعلا مش بينظفوا لا عمارات ولا عربيات لدرجة ان فى مرحلة فكرنا نعمل: “Car Wash”

12- شوية ناس نزلت من عمارتها تتكلم معانا و تشكرنا

13- واحد معدى التسعين جه حرقلنا دمنا و قال: انتوا كده بتتمنظروا يعنى (ربنا يسامحك يا جدو) و سابنا و مشى من غير ما يسمع

14-اكتشفنا ان دى طريقة كويسة جدا عشان كل البنات اللى عانت بسبب الملل و الاكل الكتير الاسبوع اللى فات ان هما يخسوا اللى تخنوه و فى نفس الوقت يعملوا حاجة مفيدة ص ياخدوا ثواب

15- لو مش قادرين نكون فى التحرير فى طرق تانية نعبر بينا عن حبنا لبلدنا

16- ماحسناش للحظة ان احنا بننظف شارع كان كل واحد حاسس انه بينظف بيته

17- دعوة حلوة من ناس معدية كانت كفاية ان احنا نفضل مبتسمين طول اليوم

18- كانت فرصة حلوة أوى ان احنا نشوف بعض و نهيس و نضحك

19- اكتشفنا فى نص اليوم يعنى ايه نتعب و نحب

20: استنتاج اليوم: احنا بلد حلوة و شعبنا احلى

دلوقتى أنا هروح اجهز عشان نازلين ننظف كمان نص ساعة. و يا ريت كل واحد مش عارف يروح التحرير يجرب ينظف قدام بيته. يا ريت يعنى كل واحد بطريقته يجرب يعنى اية وطن

P.S: Translation will be posted shortly :)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s